எனக்கென்ன ?

ராதேக்ருஷ்ணா

யார் பொய் சொன்னால் எனக்கென்ன ?

நான் உண்மையாய் இருந்தால்

எனக்கு நல்லது . . .

யார் திருட்டுத்தனம் செய்தால் எனக்கென்ன ?

நான் நேர்மையாய் இருந்தால்

எனக்கு ஆனந்தம் . . .

யார் என்ன பாவம் செய்தால் எனக்கென்ன ?

நான் பாவம் செய்யாதவரை

எனக்கு நிம்மதி . . .

யார் சோம்பேறியாய் இருந்தால் எனக்கென்ன ?

நான் சுறுசுறுப்பாய் இருந்தால்

என் வாழ்வில் வெல்வேன் . . .

யார் யாரைப் பற்றி குற்றம் சொன்னால் எனக்கென்ன ?

நான் யாரையும் குற்றம் சொல்லாதவரை

என் மனது சமாதானமாக இருக்கும் . . .

யார் கடமையில் தவறினால் எனக்கென்ன ?

நான் என் கடமையை ஒழுங்காகச் செய்தால்

என் வாழ்க்கை சிறக்கும் . . .

யார் பக்தி செய்யாவிட்டால் எனக்கென்ன ?

நான் உண்மையான பக்தி செய்தால்

எனக்கு க்ருஷ்ணன் கிடைப்பான் . . .

யாருக்கு அஹம்பாவம் இருந்தால் எனக்கென்ன ?

எனக்கு அஹம்பாவம் வராதவரை

எனக்கு தொந்தரவில்லை . . .

யார் எப்படி வாழ்ந்தால் எனக்கென்ன ?

நான் உருப்படியாக வாழ்ந்தால்,

என் க்ருஷ்ணன் சந்தோஷப்படுவான் . . .

யார் துரோகம் பண்ணால் எனக்கென்ன ?

நான் யாருக்கும் துரோகம் நினைக்காத வரை

எனக்கு நிம்மதியாய் தூக்கம் வரும்  . . .

யார் ஓடிப் போனால் எனக்கென்ன ?

நான் பிரச்சனைகளைக் கண்டு ஓடாதவரை

எல்லாவற்றையும் ஜெயிப்பேன் . . .

யார் ஏமாற்றினால் எனக்கென்ன ?

நான் அடுத்தவரை ஏமாற்றாதவரை,

என் வாழ்வில் தோல்வியில்லை . . .

யார் கேவலப்படுத்தினால் எனக்கென்ன ?

என் க்ருஷ்ணன் என்னைக் கேவலமாக

நினைக்காதபடி  நான் வாழ்ந்தால் உத்தமம் . . .

இவையெல்லாம் எனக்கு என் க்ருஷ்ணன்

சொன்ன ரஹஸ்யங்கள் . . .

நன்மையும், தீமையும் எனக்கு

யாரும் தர முடியாது . . .

அதனால் நான் தான் சரியாகவேண்டும் . . .

நான் சரியானால் என் வாழ்க்கை நன்றாயிருக்கும் !

நான் சரியாகாத வரை,

என் வாழ்க்கை சரியாகாது ! ! !

என்னைச் சரி செய்யாமல்,

அடுத்தவரைப் பற்றி பேசுவதால் எனக்கென்ன ?

என்னைச் சரி  செய்யாமல்,

அடுத்தவரை குறை கூறுவதால் எனக்கென்ன ?

நான் சரியாக ஆகும் வரை ஓயமாட்டேன் . . .

நான் சரியானால் எல்லாம் சரியாகும் !

இதுவே என் தாரக மந்திரம் !

நான் சரியானால் எல்லாம் சரியாகும் !