நம்பிக்கை . . .அதானே எல்லாம் !
ராதேக்ருஷ்ணா
நம்பிக்கை வை !
வாழ்வில் நம்பிக்கை வை !
எதிர்காலத்தில் நம்பிக்கை வை !
முன்னேற்றத்தில் நம்பிக்கை வை !
முயற்சியில் நம்பிக்கை வை !
உன் மீது நம்பிக்கை வை !
நல்லவற்றில் நம்பிக்கை வை !
நல்லவரிடம் நம்பிக்கை வை !
க்ருஷ்ணனிடம் நம்பிக்கை வை !
பக்தியில் நம்பிக்கை வை !
நாம ஜபத்தில் நம்பிக்கை வை !
குருவிடம் நம்பிக்கை வை !
சத்சங்கத்தில் நம்பிக்கை வை !
நிகழ்காலத்தில் நம்பிக்கை வை !
தேசத்தின் மீது நம்பிக்கை வை !
காலத்தின் மீது நம்பிக்கை வை !
கடமையின் மீது நம்பிக்கை வை !
உணமையின் மீது நம்பிக்கை வை !
நல்ல எண்ணங்களின் மீது நம்பிக்கை வை !
அன்பின் மீது நம்பிக்கை வை !
அயராத உழைப்பின் மீது நம்பிக்கை வை !
நம்பிக்கை வை !
ஒரு பொழுதும் இந்த நம்பிக்கைகள்
குறையவே கூடாது !
இந்த நம்பிக்கைகள் உன்னோடு
இருக்கும்வரை நீ ஜெயிப்பாய் !
உன் நம்பிக்கை
ஒவ்வொரு நொடிப்பொழுதும்
வளர்ந்து கொண்டே இருக்கவேண்டும் !
உன் நம்பிக்கையின்
அளவைப் பொறுத்தே
உன் வாழ்வின் வெற்றிகள் !
உன் நம்பிக்கையின்
ஆழத்தைப் பொறுத்தே
உன் வாழ்வின் ஆனந்தங்கள் !
உன் நம்பிக்கையின்
தீவிரத்தைப் பொறுத்தே
உன் முயற்சிகள் !
உன் நம்பிக்கையே என்றும்
உன்னை விட்டு அகலாத
உயிர் தோழன்/தோழி !
உன் நம்பிக்கையே உனது
நாளைய வாழ்வின் அஸ்திவாரம் !
உன் நம்பிக்கையே உன்
கையில் இருக்கும் ப்ரம்மாஸ்திரம் !
உன் நம்பிக்கையே உன்
லக்ஷிய வாழ்வின் யஜமானன் !
உன் நம்பிக்கையே
கரடு முரடான வாழ்க்கைப் பாதையில்
உன் வழியைக் காக்கும் செருப்பு !
உன் நம்பிக்கையே
இருள் தரும் புரியாத சூழ்நிலைகளில்
உன் கையிலிருக்கும் வழி காட்டும் விளக்கு !
உன் நம்பிக்கையே
சம்சார பாலைவனத்தில்
உனக்கு நிழல் தரும் சோலை !
உன் நம்பிக்கையே
நா வரண்டு போகும் அவமரியாதைகளில்
உனக்கு தாகம் தீர்க்கும் தண்ணீர் பந்தல் !
உன் நம்பிக்கையே
உன் மனது பலவீனமாகும் போது
உனக்கு ஊட்டம் தரும் அற்புத அம்ருதம் !
உன் நம்பிக்கையே
உடலை வருத்தும் வியாதிகளிடமிருந்து
உன்னைக் காக்கும் மருத்துவர் !
உன் நம்பிக்கையே
இடிந்து போக வைக்கும் நஷ்டங்களில்
உன்னிடம் இருக்கும் காப்பீடு !
உன் நம்பிக்கையே
உன்னிடமிருந்து யாரும் திருடமுடியாத
என்றுமே அழியாத வைத்தமாநிதி !
உன் நம்பிக்கையே
உன் மரணம் வரை உன்னோடு வரும்
ஒரே உன்னத வழித்துணை !
அதனால் உன் நம்பிக்கை மீது
முதலில் நம்பிக்கை வை !
க்ருஷ்ணன்தான் உனக்கு
நம்பிக்கை தருகிறான் !
க்ருஷ்ணன்தான் உனது
நம்பிக்கையாய் இருக்கிறான் !
உன் நம்பிக்கை வளர
நான் நம்பிக்கையோடு ப்ரார்த்திக்கிறேன் !
உன் நம்பிக்கை வளர
நீயும் நம்பிக்கையோடு ப்ரார்த்தனை செய் !
நம்பிக்கை . . .அதானே எல்லாம் !
இடுகைகள்
0 கருத்துகள்:
கருத்துரையிடுக