வாழ்வின் மலை . . .
ராதேக்ருஷ்ணா
திருநீர்மலை . . .
திருமங்கை ஆழ்வாரையும்
ஆறு மாதம் காக்க வைத்த
நீர்மலை . . .
வால்மீகி மஹரிஷியின்
ஆசை தீர ராமனைக் காட்டின
நீர்மலை . . .
ரங்கனும் பூதேவி ஸ்ரீதேவியோடு
சுகமாய் சயனக்கோலத்தில் இருக்கும்
நீர்மலை . . .
உலகளந்தானும் ஒய்யாரமாய்
நின்று அருள் பாலிக்கும்
நீர்மலை . . .
ப்ரஹ்லாதனைக் கொண்டாடும்
நரசிம்மனும் சாந்தமாய் இருக்கும்
நீர்மலை . . .
எனக்கு நிறைய நாம ஜபம்
கொடுத்து,என்னைப் பக்குவப்படுத்தின
நீர்மலை . . .
அமைதியான ஒரு திவ்யதேசம் . . .
ஏகாந்தமாய் ஒரு திவ்யதேசம் . . .
ஆர்ப்பாட்டமில்லாத ஒரு திவ்யதேசம் . . .
நினைத்தால் நான் போவேன் . . .
என்னை மறந்து அமர்ந்திருப்பேன் . . .
என் கண்ணனை நான் அனுபவிப்பேன் . . .
நீர்மலையே நீ என் வாழ்வின் மலை . . .
நீர்மலையே என்னை வாழவைக்கும் மலை . . .
இடுகைகள்
0 கருத்துகள்:
கருத்துரையிடுக