ஆனந்தம் ஒளிந்திருக்கிறது . . .

ராதேக்ருஷ்ணா

குழந்தையாக இருந்தபோது

எத்தனை ஆனந்தம்...

நினைத்தாலே ஆனந்தம்...

மீண்டும் கிடைக்குமா ?

அப்படியொரு ஆனந்தம் ?

ஏன் கிடைக்காது ?

உன்னிடம்தான் அந்த

ஆனந்தம் ஒளிந்திருக்கிறது . . .

குழந்தையாய் இருந்தபோது

உன் வாழ்க்கையை நீ

யோசிக்கவில்லை . . .

குழந்தையாய் இருந்தபோது

உன் அழகைப் பற்றி நீ

அக்கறைப்படவில்லை . . .

குழந்தையாய் இருந்தபோது

உன் தேவையைப் பற்றி நீ

உணரவில்லை . . .

குழந்தையாய் இருந்தபோது நீ

உன் எதிர்காலத்தைப் பற்றி

கனவு காணவில்லை. . .

குழந்தையாய் இருந்தபோது

உன் அவமானத்தை நீ

லக்ஷியம் செய்யவில்லை . . . 

 

 குழந்தையாய் இருந்தபோது

உன் நல்லதைப் பற்றி நீ

 ஒரு நாளும் கவலைப்படவில்லை . . .

குழந்தையாய் இருந்தபோது

உன்னை மற்றவர் கொண்டாடினதை நீ

பெரியதாக எடுத்துக்கொள்ளவில்லை . . .

குழந்தையாய் இருந்தபோது நீ

எத்தனை நேரம் தூங்கினாய் என்பதை

குறித்துக்கொள்ளவில்லை . . . 

குழந்தையாய் இருந்தபோது நீ

உன் குலத்தைப் பற்றி நீ

தெரிந்துகொள்ளவில்லை . . .

குழந்தையாய் இருந்தபோது

உன் கைரேகையைப் பற்றி

உனக்கு ஒன்றும் தெரியாது . . .

குழந்தையாய் இருந்தபோது

உன் பிறந்த நாளோ, நேரமோ

உனக்குத் தெரியாது . . . 

 குழந்தையாய் இருந்தபோது

மற்றவர் உன்னைப் பற்றி பேசுவதை

நீ தவறாக எடுத்துக்கொள்ளவில்லை . . .

குழந்தையாய் இருந்தபோது

உன் வயதைப் பற்றி நீ

கணக்கு வைத்துக் கொள்ளவில்லை . . . 

குழந்தையாய் இருந்தபோது

உன் தோல்விகளில் நீ

துவண்டு போகவில்லை . . .

 குழந்தையாய் இருந்தபோது

 உன் வெற்றிகளில் நீ

 அகம்பாவத்தில் ஆடவில்லை . . .

குழந்தையாய் இருந்தபோது

உன் உடல் வியாதிகளில் நீ

மனதை அலட்டிக்கொள்ளவில்லை . . .

குழந்தையாய் இருந்தபோதது

உன் தியாகங்களை நீ

நினைத்துப் பார்க்கவில்லை . . .

   

 குழந்தையாய் இருந்தபோது

உன் பலத்தைப் பற்றி நீ

பெருமை பேசவில்லை . . .

குழந்தையாய் இருந்தபோது நீ

வெளிவேஷம் போட்டு அடுத்தவரை

மயக்க முயற்சிக்கவில்லை . . .

குழந்தையாய் இருந்தபோது 

அடுத்தவரை ஏமாற்ற நீ அழகாக

திட்டம் தீட்டவில்லை . . .

குழந்தையாய் இருந்தபோது

அடுத்தவரின் குறைகளை, அசிங்கத்தை

நீ கேவலப்படுத்தவில்லை . . .

குழந்தையாய் இருந்தபோது

எந்தக் காரணத்தைக் கொண்டும் நீ
யாரையும் அவமானப்படுத்தவில்லை . . .

குழந்தையாய் இருந்தபோது
உன் பொறுப்புகளைப் பற்றி நீ
யாரிடமும் புலம்பவில்லை . . .

குழந்தையாய் இருந்தபோது
உன் சொத்து எவ்வளவு என்று நீ
ஒருநாளும் கவனிக்கவில்லை . . .

குழந்தையாய் இருந்தபோது
யாருக்கும் எந்த விஷயத்திலும் நீ
அறிவுரை கூறவில்லை . . .

 குழந்தையாய் இருந்தபோது
வெய்யில்,மழை,குளிர் இவைகளை நீ
கண்டுகொள்ளவில்லை . . .

 குழந்தையாய் இருந்தபோது
உலகின் எந்த நிகழ்வைப் பற்றியும் நீ
 அக்கறை கொள்ளவில்லை . . .

இப்படியே நீ யோசித்துப் பார் . . .
இன்னும் நிறைய புரியும் . . .

தினமும் நீ குழந்தையாகத்தானிருக்கிறாய் !
தூங்கும்போது மட்டும் . . .

உன் கடமைகளை செய் . . .
பொறுப்பாய் இரு . . .


மனதில் குழந்தையாய் இரு . . . 

நீ என்றுமே க்ருஷ்ண குழந்தைதான் . . .

அதனால் உன்னிடம் மட்டுமே
உன்னுடைய
ஆனந்தம் ஒளிந்திருக்கிறது  . . .




குழந்தையாய் வாழ்ந்து பார் . . .