சும்மா இரு ! ! !
ராதேக்ருஷ்ணா
விட்டுக்கொடு . . .
உன் க்ருஷ்ணனுக்கு
உன் வாழ்வில் முடிவெடுக்க
நீ கொஞ்சம் உன்
அஹம்பாவத்தை விட்டுக்கொடு !
உன் க்ருஷ்ணன்
உனக்கு வேண்டியதை செய்து
கொடுக்க நீ கொஞ்சம் உன்
ஆசையை விட்டுக்கொடு !
உன் க்ருஷ்ணன்
உனது கஷ்டங்களை எல்லாம்
மாற்ற நீ கொஞ்சம் உன்
யோசனைகளை விட்டுவிடு !
உன் க்ருஷ்ணன்
உனது பிரச்சனைகளுக்கு தீர்வு தர
நீ கொஞ்சம் உன்
திட்டங்களை எல்லாம் மறந்துவிடு !
உன் க்ருஷ்ணன்
உன் வியாதிகளை சரி செய்து
உனக்கு பூரண ஆரோக்கியம் தர
நீ கொஞ்சம் உன் புலம்பல்களை
எல்லாம் ஓரம் தள்ளி வை !
விட்டுக்கொடுப்பவர்
கெட்டுப்போவதில்லை !
க்ருஷ்ணனிடம் தன்னை
ஒப்படைப்பவர் வீணாவதில்லை !
வினயத்தோடிருப்பவர்
தோற்ப்பதில்லை !
பக்தி செய்பவர்
சோர்ந்து போவதில்லை !
நாமம் ஜபிப்பவர்
எதற்கும் அஞ்சுவதில்லை !
கொஞ்ச நேரம் உன்
க்ருஷ்ணனிடம் உன் வாழ்வை
ஒப்படைத்து விட்டு சும்மா இரு !
அந்த கொஞ்ச நேரத்தில்
உன் வாழ்வில் நடக்கும்
அற்புதங்களைக்கவனி கவனி !
வாழ்வே சுகமாயிருக்கும் !
மனமோ அமைதியாயிருக்கும் !
வாழ்வே சுகமாயிருக்கும் !
மனமோ அமைதியாயிருக்கும் !
இடுகைகள்
0 கருத்துகள்:
கருத்துரையிடுக